Ardian Bujupi: Çdo vit kam bërë hitin më të madh evropian dhe nuk mora asnjë çmim të vetëm

9:53 | 25 Nentor 2020

Foto: Instagram

Ardian Bujupi thotë se të gjitha eventet e muzikës janë biznes.

Këngëtari i njohur shqiptar, Ardian Bujupi ka diçka për të thënë lidhur me këngët e tij që po rezultojnë shumë të suksesshme, shkruan lajmi.net.

Me anë të një positmi, këngëtari thotë se çdo vit bën hitin më të suksesshëm pa klikime të rreme, por deri tani nuk arriti ta marrë asnjë çmim.

“Kam bërë hitin më të madh të Evropës çdo vit pa transmetime ose klikime të rreme për shkak të fansave të mi besnikë dhe asnjë çmim i vetëm, ky është biznes i madh !!!”, ka shkruar ai.

I gjithë ky reagim i Bujupit erdhi pas një postimi të The Weeknd, i cili nuk u nominua në asnjë kategori në “Grammy Awards” dhe thotë se janë të korruptur.

Me këtë reagim u pajtua Ardiani, i cili shkruan “Faleminderit!!!”. /Lajmi.net/